The Silent Struggles: A Story of Introversion and Bullying

 Ek ladka tha jo introverted tha. Usse school mein dost banane mein kaafi dikkat hoti thi. Usse doston ki zarurat thi, lekin vo kisi se baat nahi kar pata tha. Par agar koi usse bulata tha ya samne aata tha, to vo zarur baat karta tha, lekin kabhi khud se kisi se baat nahi karta tha.

Log aksar kehte hain ki introvert log dil ke bohot achhe hote hain, aur waise hi vo ladka bhi dil se achha tha. Lekin uski yeh simplicity logo ke liye mazak ka karan ban gayi thi.

Log uska bohot majak udate the, aur vo har baar hurt hota tha. Usse depression hone laga. Padhai mein to vo kaafi achha tha aur smart bhi tha, lekin social skills kaafi kamzor the. Lekin vo kabhi yeh cheez apni maa ko nahi batata tha. Uski maa ko yeh kabhi nahi lagne diya ki school mein usse bully kiya jata hai, uska majak banaya jata hai. Maa hamesha sochti thi ki mera beta school mein bohot achha kar raha hoga, uske bohot dost honge.

Aksar har school mein ek aisa ladka hota hai jisko sab log hurt karte hain aur majak banate hain, lekin hum sab ko yeh samajhna hoga ki mental health issues mazak nahi hote. Agar yeh ladka apni feelings ko na samjhe, to uske andar depressive symptoms develop ho sakte hain.

Phir ek din, us ladke ne dekha ki kuch doston mein kuch unhealthy cheezein ho rahi thi, jaise addictions. Usne socha, "Agar main bhi unhe follow karunga, to main unke group mein aa sakta hoon." To usne unki habits ko apnaya, par usse yeh nahi pata tha ki isse uski life aur zyada complicated ho jayegi. Addiction uska part ban gaya, aur depression bhi severe ho gaya.

Padhai mein bhi uska focus chala gaya, aur uspar academic pressure bohot badh gaya. Uske upar regret ka bhi bohot pressure tha. Aur phir ek din, usne apni zindagi khatam kar li, kyunki usse lagne laga tha ki wo zindagi jise jee raha hai, usse bohot mushkil hai.

---

Yeh kahani hum sabko yeh samjhati hai ki mental health aur bullying ke baare mein awareness hona zaroori hai. Government ko aise rules aur programs banane chahiye jo introverted ya shy logon ko bullying se bacha sake, chahe vo school ke classmates ho ya seniors. Zindagi bohot qeemti hoti hai. Hum sabko yeh samajhna hoga ki hum sab insaan hain, aur sabko support ki zarurat hoti hai.

Stay aware, stay safe, aur doosron ke saath hamesha achha vyavhaar karein.