Naam Mein Kya Rakha Hai?

By Sahal Koth - Eclipsed Realms - Date of Tale:

Dr. Masti: Kese ho, Munni Bhai?

Munni Bhai: Bhai, main to badhiya hoon. Tu bata?

Dr. Masti: Jyada masti chadi hai kya, bhai? Main tujhse bada hoon. Dikhta nahi kya? Pura area mujhe 'Masti Sir' kehkar pukarta hai, aur ek tum ho jo mere patient hone ke bawajood bhi mujhe 'bhai' bula rahe ho. Agar dost 'bhai' bolta to bhi chal jata.

Munni Bhai: Jab aapka naam hi masti hai to aap se masti karne mein kaisi sharam?

Dr. Masti: Main hoon Dr. Masti ki Hasti, na ki vo MC Stan - "Basti ka Hasti," bro.

Munni Bhai: Bura na maane, par main "Basti ka Hasti" MC Stan ka fan hoon.

Dr. Masti: To aap bura na maane, main Indian Rap King Yo Yo Honey Singh ka fan hoon. Beta, teri principal bhi "Baby Yo-Yo" ki fan hai, "Blue Eyes Hypnotize Teri Kardi Ae Mainu…"

Munni Bhai: Bhai, ye batao ki main ladki thodi na hoon jo aap keh rahe ho ki, "Beta, teri principal bhi 'Baby Yo-Yo' ki fan hai."

Dr. Masti: To tere baap ne kya soch kar tera naam Munni rakha tha?

Munni Bhai: Kyuki, bhai, mere papa ne Sallu Bhai ki movie Bajrangi Bhaijaan dekhi thi. Usme unhe Munni ka character pasand aaya tha, to unhone thaan liya ki ab se jo bhi beti hogi uska naam "Munni" rakhenge.

Dr. Masti: Agar beta ho gaya toh?

Munni Bhai: Unhone bola, "Tension kyu lete ho? Maine Mirzapur bhi dekhi hui hai. Uska naam 'Munni Bhaiya' rakh denge."

Dr. Masti: "Munni Bhaiya?" Bhai, ye to Kaleen Bhaiya jaisa status chahiye.

Munni Bhai: Bas isliye papa ne compromise karke naam "Munni Bhai" rakh diya.

Dr. Masti: Mera naam Dr. Biography hai kya jo mujhe apni biography suna rahe ho? "Masti" tak to theek tha, kyunki mere papa ne mera naam "Masti" rakha hai.

Munni Bhai: Aapke papa ka kya reason tha "Masti" naam rakhne ke piche?

Dr. Masti: Lekin bhai, story ka writer itni comedy kahan se sochega? Ab wo mere naam rakhne ke piche ki funny story thodi sochega.

Munni Bhai: Dosto, yeh hain hamare writer Sahal Koth!

Dr. Masti: Abey, bas kar! Story ke beech mein hi kaun writer ka naam reveal kar deta hai?

Munni Bhai: Agar comedy likhni hai to kuch alag likhna hoga na. Hamesha end mein reveal karne ki kya zarurat hai ki "Story written by: XYZ"?

Dr. Masti: Lekin website hi Sahal Bhai ki hai to Reader ko pata hi hoga ki yeh story Sahal Bhai ne likhi hai.

Munni Bhai: Aap unhe "Sahal Bhai" kyun bula rahe ho? Unke papa ne bhi Mirzapur dekhi thi kya?

Dr. Masti: Nahi, Munni Brother. Unhe "Bhai" bulane ka reason yeh hai ki agar Sahal Bhai ne yeh story nahi likhi hoti to shayad aaj hum dono exist nahi karte.

Comments

  1. SurajDecember 9, 2024 at 3:51 AM

    Aaj se mai bhi Sahal bhai hi bolunga...😂😂

    ReplyDelete

Post a Comment

Trending Tales

The True Color of Humanity

By Sahal Koth - Eclipsed Realms - Date of Tale:
 Yeh story India ke religions par based hai. Aaj hum ek aise topic par baat karenge jo aapko sochne par majboor kar dega, aur jo aaj ke time par discuss karna bahut zaruri hai. Aaj kal hum news me dekhte hain ki Hindu-Muslim hatred apne peak par pahunch chuka hai, aur iska koi solution bhi hame nahi pata. Main ek example ke through kuch samjhata hoon. By chance agar ek Muslim bacha galti se Hindu family me chala gaya aur waha bada hua, toh jaahir si baat hai ki jo Hindu parents usse sikhaenge, wahi uska belief banega, wah bhagwan ki pooja karega. Ab socho agar ek Hindu bacha galti se Muslim family me chala gaya, toh kya usse pata chalega ki woh Hindu hai? Nahi! Woh wahi beliefs apnayega jo uske Muslim parents usse sikhayenge. Ab ek aur angle se sochte hain—agar us bache ke parents atheist hote, toh woh kisi bhi religion ko nahi manta. Aur agar puri duniya mein sab atheist hote, toh religion hota hi nahi, aur dharm ke naam par log ladte bhi nahi. God ko maanna ya na maanna ek pe...
Discover the Tale

The Silent Struggles: A Story of Introversion and Bullying

By Sahal Koth - Eclipsed Realms - Date of Tale:
  Ek ladka tha jo introverted tha. Usse school mein dost banane mein kaafi dikkat hoti thi. Usse doston ki zarurat thi, lekin vo kisi se baat nahi kar pata tha. Par agar koi usse bulata tha ya samne aata tha, to vo zarur baat karta tha, lekin kabhi khud se kisi se baat nahi karta tha. Log aksar kehte hain ki introvert log dil ke bohot achhe hote hain, aur waise hi vo ladka bhi dil se achha tha. Lekin uski yeh simplicity logo ke liye mazak ka karan ban gayi thi. Log uska bohot majak udate the , aur vo har baar hurt hota tha. Usse depression hone laga. Padhai mein to vo kaafi achha tha aur smart bhi tha , lekin social skills kaafi kamzor the. Lekin vo kabhi yeh cheez apni maa ko nahi batata tha. Uski maa ko yeh kabhi nahi lagne diya ki school mein usse bully kiya jata hai, uska majak banaya jata hai. Maa hamesha sochti thi ki mera beta school mein bohot achha kar raha hoga, uske bohot dost honge. Aksar har school mein ek aisa ladka hota hai jisko sab log hurt karte hain aur majak...
Discover the Tale